|
Gwyl Plant Gwent
Dechreuwyd yr Wyl hon o ddawnsio gwerin Cymreig i
blant gan gwmni
Gwerinwyr Gwent
yn 1981 gan ddechrau
ag wyth ysgol yn cymryd rhan yn wreiddiol, ond erbyn
heddiw mae lawer o ysgolion yn cymryd rhan yn
flynyddol. Cynhaliwyd y Gwyliau cyntaf yn Sgwar Gwent, Cwmbran. Wrth i nifer y plant fu’n cymryd rhan gynyddu dros y blynyddoedd, datblygodd Gwyl Plant Gwent i fod yn ddwy Wyl, gyda rhai yn y bore ac ysgolion eraill yn dawnsio’n y prynhawn. Wrth i nifer y cyfranogwyr gynyddu ychwanegwyd dwy Wyl arall i’r rhaglen flynyddol yng nghanol tref Glyn Ebwy. Tyfodd yn rhy fawr i Lyn Ebwy a symudodd y rhan yma o’r Wyl i Abertileri. Parhaodd tyfiant a phoblogrwydd yr Wyl gan ein gorfodi ni i ychwanegu Y Fenni a Chasnewydd fel safleoedd newydd. Bob blwyddyn mae ysgolion newydd yn cofrestru er mwyn cymryd rhan yn yr Wyl.
Os byddwch yn dod ar draws ein dawnsio gwerin, yna mynnwch aros i flasu’r hwyl a’r miri ymysg y plant wrth iddynt ddawnsio’n eu gwisgoedd lliwgar Cymreig. Mae’n amlwg fod y plant yn cael llawenydd dibendraw wrth berfformio’r dawnsiau maent wedi eu dysgu yn ystod y flwyddyn. Bob Haf, mae Pwyllgor Gwyl Plant Gwent yn penderfynu’r deuddeg dawns benodedig ar gyfer yr Wyl Haf nesaf. Cyhoeddir cyfarwyddiadau hyfforddiant ar y dawnsiau, yn Saesneg ac yn Gymraeg. Mae’r athrawon hefyd yn cael grynno ddisg o gerddoriaeth addas ar gyfer pob dawns, ynghyd a DVD o ddawnswyr yn cerdded a dehongli pob dawns yn ol y cyfarwyddiadau, gan orffen gydag engraifft o’r ddawns yn cael ei pherfformio gyda’r alaw benodedig. Cynhelir cyrsiau hyfforddiant i’r athrawon i’w paratoi ar gyfer yr Wyl Haf. Os ydych am ragor o fanylion am Gwyl Plant Gwent neu’r pecynnau hyfforddiant (sydd ar gael i unrhyw un a diddordeb), estynnwn groeso i chi gysylltu ag Ysgrifennyddes Gwyl Plant Gwent. Ei henw a’i chyfeiriad yw:-Mrs. Dawn Webster, Greenacres, Broadstreet Common, Trefonnen, Casnewydd NP18 2AZ
|